ഡി.എ., ഡി.ആർ കുടിശ്ശികയ്ക്ക് മുൻകാല പ്രാബല്യം; എട്ട് ഗഡുക്കളായി വിതരണം

തിരുവനന്തപുരം: സംസ്ഥാന സർക്കാർ ജീവനക്കാർക്കും അധ്യാപകർക്കും അനുവദിച്ചിരുന്ന ക്ഷാമബത്ത (ഡി.എ.)യ്ക്ക് മുൻകാല പ്രാബല്യം നൽകി കുടിശ്ശിക അനുവദിച്ച് സർക്കാർ ഉത്തരവിറക്കി. സർവീസ് പെൻഷൻകാർക്ക് ലഭിക്കേണ്ട ക്ഷാമാശ്വാസ (ഡി.ആർ.) കുടിശ്ശികയും ഇതോടൊപ്പം നൽകും. മുമ്പ് അനുവദിച്ച ഡി.എ., ഡി.ആർ. ഗഡുക്കൾക്കൊക്കെ ബാധകമായ യഥാർത്ഥ കാലാവധി കണക്കാക്കി മുൻകാല പ്രാബല്യം നൽകിയാണ് കുടിശ്ശിക കണക്കാക്കിയിരിക്കുന്നത്. യു.ജി.സി., എ.ഐ.സി.ടി.ഇ., മെഡിക്കൽ എഡ്യുക്കേഷൻ സ്കീമുകളിൽ ഉൾപ്പെട്ട അധ്യാപകരും പരിധിയിൽ ഉൾപ്പെടും. സംസ്ഥാന സർക്കാർ ജീവനക്കാരും പെൻഷൻകാർക്കും നൽകേണ്ട മുഴുവൻ ഡി.എ., ഡി.ആർ. ഗഡുക്കളും ഇതിനകം അനുവദിച്ചിട്ടുണ്ടെങ്കിലും, കുടിശ്ശിക ഘട്ടംഘട്ടമായി വിതരണം ചെയ്യുമെന്ന് ധനകാര്യ മന്ത്രി K. N. Balagopal ബജറ്റിൽ പ്രഖ്യാപിച്ചിരുന്നു. 2026–27 സാമ്പത്തിക വർഷത്തിൽ കുടിശ്ശിക ഗഡുക്കളുടെ വിതരണത്തിനുള്ള തുകയും വകയിരുത്തിയിട്ടുണ്ട്. പതിനൊന്നാം ശമ്പള പരിഷ്കരണത്തിന്റെ ഭാഗമായി 7% ക്ഷാമബത്ത 2021 ഏപ്രിൽ ശമ്പളത്തോടൊപ്പം നൽകിയിരുന്നു. തുടർന്ന് അഞ്ച് ഗഡുക്കളായി ക്ഷാമബത്തയും തത്തുല്യമായ ക്ഷാമാശ്വാസവും അനുവദിച്ചു. കുടിശ്ശികയായിരുന്ന 13% ക്ഷാമബത്തയും ക്ഷാമാശ്വാസവും ഫെബ്രുവരി, മാർച്ച് മാസങ്ങളിലായി വിതരണം ചെയ്തു. വരുന്ന സാമ്പത്തിക വർഷം മുതൽ കുടിശ്ശിക തുക എട്ട് ഗഡുക്കളായി വിതരണം ചെയ്യാനാണ് സർക്കാർ തീരുമാനം. Keywords: DA arrears Kerala, DR arrears pensioners, Kerala government employees, DA distribution 2026, KN Balagopal budget announcement